Um Árstíðahlaupin
Fyrsta Árstíðahlaupið fór fram á vetrarsólstöðum þann 21 desember 2018. Það var eitt magnaðasta hlaup ársins en það fór fram á miðnætti í frosti, logni, heiðskýru og fullu tungli! Í framhaldinu var ákveðið að hlaupa árlega á sólstöðum og jafndægrum.
Hlaupin eru þvi fjögur talsins og eru öll í kringum 15-20 km utanvega (geta verið sem dæmi 12 km með 800 m hækkun sem samsvarar um 20 km hlaupi), fyrir þá sem treysta sér ekki í 20 km þá er hægt að hlaupa áleiðis með hópnum, snúa við þegar hentar og stundum er styttri vegalengd í boði. Þetta er ekki keppni heldur samhlaup og því hver og einn á sína eigin ábyrgð. Allir geta halað leiðinni niður í úrið sitt/síma og hlaupa síðan á sínum hraða með öðrum sem eru á sama hraða. Í lok hlaupsins stoppum við og spjöllum yfir heitum/köldum drykk.
Okkur hjá Árstíðahlaupum langar að bjóða öllum með okkur! Vonandi getum við aukið skilning fólks á þessum hugtökum og einnig ýtt undir þakklæti þeirra sem hlaupa á gangi lífsins. Verum í núinu og njótum þess sem hver árstíð hefur upp á að bjóða!
Skilmálar
Ég skil að með því að taka þátt í viðburðum á vegum Árstíðahlaupa sé ég á eigin ábyrgð og að öryggi mitt sem hlaupari er á mína eigin ábyrgð. Ég sem þátttakandi í hlaupi á vegum Árstíðahlaupa ábyrgist að vera nógu vel undirbúin(n) þjálfunarlega, næringarlega og búnaðarlega séð.
Gert er ráð fyrir því að hlauparar séu sjálfstæðir og hafi getu til að fylgja GPS leið í úri/síma. Hlaupið er ekki keppnishlaup og því verða ekki drykkjastöðvar eða starfsfólk á leiðinni líkt og í almennum keppnishlaupum.
